आठवड्याच्या पहिल्या व्यवहाराच्या दिवशी शेअर बाजारात किंचित वाढ झाली आहे. बाजार उघडताच सेन्सेक्समध्ये १०० हून अधिक अंकांची उसळी पाहायला मिळत आहे आणि निफ्टी १७,००० च्या अगदी जवळ आला आहे.आजच्या व्यवहारात बीएसईचा ३० शेअर्सचा निर्देशांक सेन्सेक्स ३९.८० अंकांच्या वाढीसह ५७,५६६.९० वर उघडला. NSE चा ५० शेअर्सचा निर्देशांक निफ्टी ३९.२५ अंक किंवा ०.२३ टक्क्यांच्या वाढीसह १६,९८४.३० वर उघडण्यात यशस्वी झाला आहे.
आज, BSE सेन्सेक्समधील ३०पैकी केवळ ११ शेअर्स सुरुवातीच्या व्यापारात वाढ दाखवत आहेत आणि बँकिंग शेअर्सच्या घसरणीने बाजार खाली जात आहे.
सेन्सेक्समधील ३० पैकी १९ शेअर्समध्ये घसरण दिसून येत आहे. याशिवाय NSE निफ्टीच्या ५० पैकी २३ शेअर्समध्ये तेजी दिसून येत आहे आणि २६ शेअर्समध्ये घसरण होत आहे.आज बँकिंग शेअर्समध्ये झालेल्या घसरणीमुळे बाजारातील सुरुवातीची तेजी ओसरली असून ही घसरण शेअर बाजाराला फारशी वर जाऊ देत नाही.पॉवरग्रीड सोमवारी बीएसई सेन्सेक्सवर १.०८ टक्क्यांच्या वाढीसह व्यवहार करत होता. त्याचप्रमाणे एशियन पेंट्स, बजाज फायनान्स, भारती एअरटेल, कोटक महिंद्रा बँक आणि एनटीपीसी यांचे शेअर्स तेजीसह व्यवहार करत होते.या व्यतिरिक्त रिलायन्स इंडस्ट्रीज, टाटा स्टील, टेक महिंद्रा, अल्ट्राटेक सिमेंट, इन्फोसिस, टीसीएस, नेस्ले इंडिया आणि हिंदुस्तान युनिलिव्हर लिमिटेड (एचयूएल) चे शेअर्स जोरदार वेगाने व्यवहार करत होते.महिंद्रा अँड महिंद्रा, टायटन, आयटीसी, एसबीआय, अॅक्सिस बँक, टाटा मोटर्स आणि सन फार्मा सेन्सेक्सवर लाल रंगात होते.
