भारत आणि ऑस्ट्रेलिया यांच्यातील तीन एकदिवसीय सामन्यांच्या मालिकेतील शेवटचा सामना आज खेळला जात आहे. या सामन्यात नाणेफेक जिंकून ऑस्ट्रेलियाने प्रथम फलंदाजी करण्याचा निर्णय घेतला आहे. चेन्नईच्या एमए चिदंबरम स्टेडियमवर या सामन्याचे आयोजन करण्यात आले आहे. या सामन्याला सुरुवात होण्यापूर्वी स्टार फलंदाज विराट कोहलीने मैदानावर आल्यावर लुंगी डान्स गाण्यावर नाचताना दिसला.
हा तिसरा सामना दोन्ही संघाच्या दृष्टीने खूप महत्वाचा आहे. कारण या अगोदर भारत आणि ऑस्ट्रेलिया संघाने प्रत्येकी एक सामना जिंकला आहे. त्यामुळे तीन सामन्यांची मालिका १-१ ने बरोबरीत आहे. म्हणून तिसरा वनडे सामना निर्णायक होणार आहे. या सामन्याला सुरुवात होण्यापूर्वी मैदानात उतरत होत, तेव्हा विराट कोहलीने सीमारेषेच्या आत येताच, लुंगी डान्स गाण्यावर ठेका धरला. ज्यामुळे इतर खेळाडू आणि प्रेक्षक त्याच्याकडे पाहू लागले. या अगोदर अनेकवेळा विराट कोहली मैदानावर डान्स करतान दिसला आहे.
दुसऱ्या सामन्यातही विराट कोहली नाटू-नाटू गाण्यावर थिरकताना दिसला होता. मात्र या सामन्यात भारताला १० विकेट्सने मोठा पराभव पत्कारावा लागला होता. त्यामुळे ऑस्ट्रेलियाने मालिकेत बरोबरी साधली. तिसऱ्या सामन्यात भारतीय संघाने रोहित शर्माच्या नेतृत्वाखाली प्लेइंग इलेव्हनमध्ये कोणाताही बदल केलेला नाही. त्याचबरोबर ऑस्ट्रलियाने मात्र काही बदल केले आहे
https://twitter.com/deepak__twitz/status/1638459209095458816?s=20
सामन्याबद्दल बोलायचे, आस्ट्रेलिया संघाने प्रथम फलंदाजी करताना मिचेल मार्श आणि ट्रेव्हिस हेडने डावाची सुरुवात केली आहे. आठ षटकानंतर आस्ट्रेलियाने बिनबाद ५२ धावा केल्या आहेत. ज्यामध्ये मिचेल मार्श ३२ आणि ट्रेव्हिस हेड १९ धावांवर खेळत आहेत.
