मुंबई : वानखेडे स्टेडियममधील ती जागा ऐतिहासिक होणार आहे. भारतीय क्रिकेट संघाचा माजी कर्णधार महेंद्रसिंह धोनी ही खास घोषणा करणार आहे. MCA चे अध्यक्ष अमोल काळे यांनी या संदर्भात माहिती दिली आहे. 8 एप्रिलला वानखेडे स्टेडियम येथे स्वतः त्या जागी घोषणा करणार आहे. 2011 साली झालेल्या एकदिवसीय सामन्यांच्या क्रिकेट विश्वचषकाच्या अंतिम सामन्यात MS धोनी वानखेडे स्टेडियम येथे स्वतःच्या फलंदाजीत ऐतिहासिक षटकार ठोकला होता. त्या षटकाराचा चेंडू स्टेडियममध्ये ज्या जागी पडला ती जागा यापुढे महेंद्रसिंह धोनी च्या नावाने ओळखली जाणार आहे. श्रीलंकेविरुद्धचा तो अंतिम सामना जिंकत भारतीय क्रिकेट संघाने दुसऱ्यांदा विश्वचषकावर आपलं नाव कोरलं होतं. मुंबई क्रिकेट असोसिएशनच्या कार्यकारिणी बैठकीत हा निर्णय घेण्यात आला, असं अमोल काळे यांनी सांगितलं आहे.