सुबोधतात्या वडील शोभतात फुलराणीचे
मुंबई- सध्या मराठी चित्रपटसृष्टीत नवनवीन विषय हाताळले जात आहेत. त्यातलाच एक दमदार चित्रपट म्हणजे ‘फुलराणी’. महाराष्ट्राची हास्यजत्रा’ फेम अभिनेत्री प्रियदर्शनी इंदळकर आणि मराठमोळा अभिनेता सुबोध भावे यांच्या मुख्य भूमिका असलेला ‘फुलराणी’ लवकरच प्रेक्षकांच्या भेटीला येत आहे. त्यात प्रियदर्शनी एका फुलवालीच्या भूमिकेत दिसत आहे तर तिला सौंदर्यवती बनवण्याची जबाबदारी सुबोध पेलताना दिसतोय. सुबोध तिच्या ट्रेनरच्या भूमिकेत आहे. नुकताच चित्रपटाचा ट्रेलर प्रदर्शित करण्यात आला आहे.
या ट्रेलरवर एका युझरने सुबोधला ट्रोल करण्याचा प्रयत्न केला आहे. मात्र सुबोधने देखील हटके स्टाइलने उत्तर देत त्याची बोलती बंद केली आहे.सुबोध म्हटलं की प्रत्येकवेळी एक वेगळी भूमिका प्रेक्षकांच्या डोळ्यासमोर उभी राहते. प्रत्येक चित्रपटात सुबोध वेगळं पात्र साकारतो. तो नेहमीच प्रेक्षकांना नवं काहीतरी देण्याचा प्रयत्न करत असतो. यावेळासही तो अगदीच हटके भूमिकेत आहे. त्याची ही भूमिका अनेकांना पसंत पडली आहे. मात्र फुलराणीच्या ट्रेलरवर एका युझरने त्याला भूमिकेवरून ट्रोल करण्याचा प्रयत्न केला. तू फुलराणीला वडील शोभतोस असं म्हणत युझरने सुबोधला टोमणा लगावला. युझरने लिहिलं, ‘सुबोध तात्या वडील शोभतात अगदी फुलराणीचे.’ त्यावर सुबोधनेही त्याला सडेतोड उत्तर देत त्याची बोलती बंद केली आहे. सुबोधने लिहिलं, ‘तुलाच घेणार होते पण तू फार लहान वाटतोस. मुलगा वाटला असतास म्हणून मला घेतलं तिच्या वडिलांच्या वयाच्या भूमिकेसाठी.’सुबोधच्या या उत्तराचं इतर नेटकऱ्यांनी कौतुक केलं आहे. एकाने लिहिलं, ‘वाह खुप छान उत्तर दिलंस’ दुसऱ्याने लिहिलं, ‘असं उत्तर देणं खूप गरजेचं होतं. ज्यांना कथानक, भूमिका आणि त्यासाठी लागणाऱ्या क्षमतेची गरज पाहून कास्टिंग केलं जातं हे समजत नाही त्यांच्यासाठी हे एकदम जबरदस्त उत्तर.’ तर अनेकांनी आपण फुलराणीची आतुरतेने वाट पाहत आहोत असं म्हटलं आहे. ‘फुलराणी’ हा चित्रपट २२ मार्च रोजी प्रदर्शित होणार आहे. प्रेक्षक चित्रपटाची आतुरतेने वाट पाहत आहेत.
https://www.instagram.com/reel/CpjtHPlMKDx/?utm_source=ig_web_button_share_sheet
