एका SMS वर चेक करा भाव
नवी दिल्ली : आंतरराष्ट्रीय बाजारात कच्च्या तेलाच्या दरात तेजी-मंदीच्या सत्रात आज म्हणजे ३०७ व्या दिवशीही देशभरात पेट्रोल-डिझेलच्या भावात दिलासा कायम आहे. सरकारी तेल विपणन कंपन्यांनी दररोजप्रमाणे वाहन इंधनाच्या किमती सुधारित केल्या आहेत. जागतिक बाजारपेठेत कच्च्या तेलाचा भाव ७५ डॉलर प्रति बॅरलच्या जवळपास व्यवहार करत असताना देशात सर्वात महागडे इंधन राजस्थानमधील श्रीगंगानगरमध्ये उपलब्ध आहे.
आंतरराष्ट्रीय बाजारात आज कच्च्या तेलाच्या किमतीत घसरण झाल्याचे दिसत आहे. ब्रेंट क्रूड ऑइल आज ०.७२ टक्के घसरून प्रति बॅरल $७५.३६ वर व्यवहार करत असताना डब्ल्यूटीआय क्रूड ऑइल ०.८३ टक्क्यांच्या घसरणीसह ६९.३८ डॉलर प्रति बॅरलवर व्यापार करत आहे. अशा स्थितीत कच्च्या तेलाच्या किमती कमी झाल्यानंतर आज देशातील अनेक मोठ्या शहरांमध्ये पेट्रोल आणि डिझेलच्या दरात घट नोंदवण्यात आली असली तरी चारही महानगरांमध्ये दर स्थिर ठेवण्यात आले आहेत.
राज्यातील प्रमुख शहरातील इंधनाचा दर
मुंबईमध्ये पेट्रोल १०६.३१ रुपये आणि डिझेलचा दर ९४.२९ रुपये प्रति लिटर
अहमदनगर पेट्रोल १०६.४० तर डिझेल ९२.९२ रुपये प्रति लिटर
कोल्हापूरमध्ये पेट्रोल १०७.४५ आणि डिझेल ९३.९४ रुपये प्रति लिटर
नागपूरमध्ये पेट्रोल १०६.०४ तर डिझेल ९२.५९ रुपये प्रति लिटर
नाशिकमध्ये पेट्रोल १०६.५१ रुपये आणि डिझेल ९३.०२ रुपये प्रति लिटर
पुण्यात पेट्रोलचा भाव १०६.६१ आणि डिझेल ९३.११ रुपये प्रति लिटर
पेट्रोल-डिझेलचा नवीन भाव कसा तपासणार?
दरम्यान, वाहनचालकांना इंधनाचे दर जाणून घेण्यासाठी पेट्रोल पंपावर जायची गरज नाही. ग्राहकांना घरबसल्या त्यांच्या मोबाईलवर भाव कळू शकतात. बीपीसीएलच्या ग्राहकांनी मोबाईल मॅसेजमध्ये RSP लिहून हा मॅसेज ९२२३११२२२२ या क्रमांकावर पाठवावा. त्यानंतर कंपनी त्याला एसएमएसद्वारे (SMS) आजचे अपडेट दर कळवेल. तसेच एचपीसीएल ग्राहकांनी HPPrice लिहून ९९२२२०११२२ या क्रमांकावर एसएमएस करावा.
