मुंबई : हल्लीच्या तरुणाईला कशाचा राग येईल, याचा काही नेम नाही. असाच एक धक्कादायक प्रकार मुंबईमध्ये समोर आला आहे. जिथे एका१३ वर्षाय तरुणाने फक्त मनासारखे केस कापले नाही म्हणून इतकं टोकाचं पाऊल उचललं की तुम्ही वाचून हादराल. केस व्यवस्थित न कापल्यामुळे आणि छोटे कापल्यामुळे या चिमुरड्या मुलाने थेट आत्महत्या केली आहे. या घटनेमुळे संपूर्ण परिसरात एकच खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, ठाण्याच्या भाईंदरमध्ये हा प्रकार घडला असून इथे एका १३ वर्षाय मुलाने यासाठी आपलं जीवन संपवलं की त्याच केस खूप छोटे कापले आणि ते त्याच्या मनासारखे कापले नव्हते. याचा त्याला इतका राग आला की त्याने रागात आत्महत्या करण्याचं टोकाचं पाऊल उचललं. मंगळवारी ही घटना घडल्याची माहिती आहे.
मंगळवारी, मृत तरुणाच्या काकाच्या मुलाने त्याचे शॉर्ट हेअर केले. ज्यामुळे तो खूप नाराज होतात आणि याचा त्याला खूप रागही आला होता. यामुळे तो मंगळवारी रात्री सगळं कुटुंब झोपल्यानंतर बाथरुममध्ये गेला. तिथे त्याने खिडकी उघडून खाली उडी मारली. या घटनेमुळे संपूर्ण परिसरात शोककळा पसरली आहे.सगळ्यात भयंकर म्हणजे या १३ वर्षीय चिमुरड्याने १६व्या मजल्यावरून उडी घेत आत्महत्या केली. ही घटना घडल्यानंतर याची पोलीस तक्रार करण्यात आली असून पोलीस पुढील तपास करत असल्याची माहिती आहे.
