मोहाली: आयपीएलमधील एक मोठा विक्रम मोडला गेला आहे आणि हे आयपीएल २०२३च्या १८व्या सामन्यात घडले. जिथे पंजाब किंग्ज आणि गुजरात टायटन्सचे संघ आमनेसामने होते. गुजरातने १ चेंडू राखून पंजाबचा ६ विकेट्स राखून पराभव केला. पंजाबची फलंदाजी आणि गोलंदाजी दोन्ही फ्लॉप ठरले. मात्र, यादरम्यान पंजाबचा गोलंदाजाने आयपीएलचा मोठा विक्रम मोडला आहे. त्याने मुंबई इंडियन्सचा गोलंदाज आणि सिनियर खेळाडू लसिथ मलिंगाचा विक्रम मोडीत काढला आहे.
पंजाब किंग्जचा वेगवान गोलंदाज कागिसो रबाडाने गुरुवारी आयपीएलमध्ये इतिहास रचला. इंडियन प्रीमियर लीग (IPL) मध्ये सर्वात जलद १०० विकेट घेणारा तो अव्वल गोलंदाज ठरला. गुजरात टायटन्सविरुद्ध खेळल्या गेलेल्या सामन्यात रबाडाने हा टप्पा गाठला. उजव्या हाताच्या वेगवान गोलंदाजाने आपल्या ६४व्या आयपीएल सामन्यात ही मोठी कामगिरी केली. यासह रबाडाने श्रीलंकेच्या अनुभवी लसिथ मलिंगाला मागे टाकले. ज्याने आपल्या ७०व्या सामन्यात १००वी विकेट घेतली.रबाडाने गुजरातचा यष्टिरक्षक फलंदाज रिद्धिमान साहाला पॅव्हेलियनमध्ये धाडले आणि यासोबतच त्याच्या आयपीएलमधील १०० विकेट्सही पूर्ण झाल्या आहेत. रबाडा आयपीएलमध्ये सर्वात जलद १०० विकेट घेणारा गोलंदाज ठरला आहे.
IPL मध्ये सर्वात जलद १०० विकेट घेणारे खेळाडू
कगिसो रबडा – ६४ सामने
लसिथ मलिंगा – ७० सामने
भुवनेश्वर कुमार – ८१ सामने
राशिद खान – ८३ सामने
अमित मिश्रा – ८३ सामने
मलिंगाने ७० सामन्यात विकेट्सचे शतक साजरे केले. त्याने २०१३ मध्ये ही जबरदस्त कामगिरी केली होती. आता १००वर्षांनंतर त्याचा विक्रम मोडला आहे. रबाडाने केवळ सामन्यांच्या बाबतीत सर्वात वेगवान १०० विकेट्सचा टप्पा गाठला नाही तर चेंडूंच्या बाबतीतही तो आघाडीवर राहिला. ही कामगिरी करण्यासाठी त्याने सर्वात कमी १४३८ चेंडू घेतले. सर्वात कमी चेंडूत १०० IPL विकेट घेणारा ड्वेन ब्राव्हो हा दुसरा गोलंदाज आहे. ब्राव्होने १६१९ चेंडूत १०० विकेक्ट्स पूर्ण केल्या.
