मुलगा वियान आणि मुलगी समिशासोबत धमाल
अनेक बॉलिवूड सेलिब्रिटींनी होळी २०२३ वेगवेगळ्या प्रकारे साजरी केली आहे. दरम्यान, बॉलिवूड अभिनेत्री शिल्पा शेट्टीनेही हा खास दिवस तिच्या खास शैलीत साजरा केला. ज्याचा एक व्हिडिओ तिने तिच्या सोशल मीडिया अकाउंटवर शेअर केला आहे. या व्हिडिओमध्ये अभिनेत्री फुलांची होळी खेळताना दिसत आहे. यासोबतच तिने ‘होली खेले’ गाण्यावर डान्सही केला.व्हिडिओमध्ये तिच्यासोबत तिचे दोन्ही मुलंही दिसत आहेत. यादरम्यान तिघांनीही खूप धमाल केली. व्हिडिओ शेअर करताना शिल्पाने कॅप्शनमध्ये लिहिले की, ‘रंगांचा हा सण, होळी तुमच्या आयुष्यात आनंदाचे आणि यशाचे रंग घेऊन येवो, होळीच्या शुभेच्छा.’ हा व्हिडिओ समोर येताच चाहतेही शिल्पावर कमेंट करत होळीच्या शुभेच्छा देत आहेत.
शिल्पाने तिच्या सोशल मीडिया अकाऊंटवर होलिका दहनचा एक व्हिडिओ शेअर केला, ज्यानंतर चाहत्यांनी तिला खूप ट्रोल केले. व्हिडिओमध्ये तिच्यासोबत तिचा पती राज कुंद्रा, तिची मुले आणि तिची आईही दिसत आहे. वास्तविक, या व्हिडिओमध्ये शिल्पा होलिका दहन दरम्यान बूट घालून दिसत आहे. यासोबतच त्यांनी बांबूची लाकडे जाळून होलिका दहन केले, ज्यावर लोकांनी सोशल मीडियावर नाराजी व्यक्त केली आहे.कमेंट करत एका यूजरने लिहिले की, ‘हिंदू धर्मात बांबू जाळणे निषिद्ध आहे’. तर दुसऱ्या युजरने लिहिले की, ‘तुम्हाला कदाचित माहित नसेल की हिंदू धर्मात बांबू कधीच जाळला जात नाही. कृपया माहिती ठेवा’. तर तिसर्याने ‘पहिले चप्पल काढून या’ असे लिहिले.