गेली काही दिवस भीड या चित्रपटाची बरीच चर्चा होती. कोरोनाकाळावर भाष्य करणाऱ्या या चित्रपटात राजकुमार राव, भूमी पेडणेकर प्रमुख भूमिकेत आहेत तर अनुभव सिन्हा यांनी या चित्रपटाचे दिग्दर्शन केले आहे.अनुभव सिन्हा यांनी कायमच बॉलीवुडला वेगळे विषय आणि दमदार चित्रपट दिले आहेत. त्यामुळे या चित्रपटकाडून प्रेक्षकांना खूप अपेक्षा होत्या. हा चित्रपट हिट ठरेल असेही बोलले जात होते. पण तसे बॉक्स ऑफिसवर मात्र दिसले नाही.
सध्या बॉलीवुडमध्ये सुरू असलेला ‘करोना’वर चित्रपट करण्याचा ट्रेंड इथे सपशेल फसलेला दिसतो. कारण हा चित्रपट आता फ्लॉप ठरताना दिसत आहे.
भीड हा चित्रपट रिलीज होऊन तीन दिवस झाले आहेत. पहिल्या दिवशी या चित्रपटानं अगदीच कमाई केली. अवघा १५ लाख रुपयांचा या चित्रपटाने केला. वीकएंडला हा चित्रपट चालेल असेही काहींचे म्हणणे होते. पण तसे झाले नाही.तिसऱ्या दिवशी म्हणजेच रविवारी २६ मार्च रोजी ‘भीड’ या चित्रपटानं केवळ ७० लाखांचे कलेक्शन केले . त्यामुळे तीन दिवसात एकूण या चित्रपटाने १.८५ कोटी रुपयांची कमाई केली आहे. या चित्रपटात राजकुमार राव, भूमी पेडणेकर यांच्यासोबतच कज कपूर, आशुतोष राणा, दिया मिर्झा, संजय मिश्रा, कृतिका कामरा या कलाकारांनी देखील प्रमुख भूमिका साकारली आहे. या चित्रपटाचं समीक्षकांनीही कौतुक केलं पण प्रेक्षकांना मात्र हा चित्रपट आवडलेला दिसत नाही.
