लोकलसाठी आणखी ६ नवे रेल्वे स्थानक सुरू होणार, मुंबईकरांचा प्रवास सुकर

मुंबई: मुंबईत लोकलने प्रवास करणाऱ्यांसाठी एक आनंदाची बातमी आहे. कारण, आणखी सहा नवीन रेल्वे स्थानके लवकरच लोकांसाठी एकाच वेळी सुरू होणार आहेत. त्यामुळे मुंबईतील लोकलमधीलमधील प्रवाशांचा प्रवास आणखी सुकर होणार दरम्यान, या नवीन स्थानकांमध्ये उरण मार्गावरील पाच आणि ठाणे-वाशी कॉरिडॉरवरील दिघे मार्गाचा समावेश आहे. सर्व सहा पूर्ण होण्याच्या अंतिम टप्प्यात आहेत. उरण मार्गावरील गव्हाणपाडा, रांजणपाडा, न्हावा-शेवा, द्रोणागिरी आणि उरण ही स्थानके यामध्ये आहेत. सध्या, मध्य रेल्वे मुंबईमध्ये 80 स्थानके आहेत आणि आता ही संख्या 86 वर जाईल. तर पश्चिम रेल्वेच्या एकूण लोकल ट्रेन स्थानकांची संख्या 37 असेल. मुंबईतील एकूण लोकल ट्रेन स्थानकांची संख्या आता असेल १२३ पर्यंत जाणार आहे.उरण मार्गावरील स्थानकांसाठी लोकल ट्रेनच्या अंतिम चाचण्या आणि विभागांमध्ये रेल्वे सुरक्षा आयुक्त (CRS) तपासणी सुरू आहेत. “CRS द्वारे शेवटची तपासणी ११ मार्च रोजी करण्यात आली होती आणि लवकरच ही लाईन वाहतुकीसाठी सुरू होईल,” असे वरिष्ठ विभागीय अभियंता म्हणाले. बेलापूर-सीवूड्स-उरण रेल्वे प्रकल्पामुळे प्रवाशांना खूप फायदा होईल. दरम्यान, रेल्वे राज्यमंत्री रावसाहेब दानवे यांनी अलीकडेच दिघेसह स्थानकांतील सुविधा आणि नवी मुंबई उपनगरीय नेटवर्कवरील विविध स्थानकांतील स्वच्छता व दुरुस्तीच्या कामांचा आढावा घेतला.महत्त्वाचा बेलापूर-सीवूड्स-उरण रेल्वे प्रकल्प हा महाराष्ट्र सरकारच्या शहर आणि औद्योगिक विकास महामंडळ (सिडको) सोबत खर्चाच्या वाटणीच्या तत्त्वावर केला जात आहे. प्रकल्पाच्या खर्चापैकी एक तृतीयांश खर्च रेल्वे उचलत आहे तर उर्वरित खर्च सिडको करत आहे. नवीन मार्गिका सध्याच्या हार्बर लाईनला दोन पॉइंटवर जोडली जाईल. एक मार्ग नेरुळ आणि दुसरा बेलापूरला जाईल. हे दोन्ही हात नेरूळ आणि बेलापूरच्या जंक्शन पॉईंटवर एकत्र येतील आणि सरळ दुहेरी मार्ग उरणपर्यंत चालू राहील.बेलापूर/नेरुळ उरण या २७ किमी लांबीच्या 12.4 किमी दुहेरी मार्गाचा पहिला टप्पा खारकोपरपर्यंत पूर्ण झाला आहे. हे११ नोव्हेंबर २०१८रोजी कार्यान्वित झाले आणि सध्या ४० सेवांसह कार्यरत आहे. पाच स्थानकांसह खारकोपर ते उरणपर्यंतचा १४.६० किमीचा उर्वरित भाग आता लवकरच सुरू होणार आहे. एकूण प्रकल्पाची किंमत अंदाजे R2,900 कोटी आहे.दिघे स्थानक हा एलिवेटेड कॉरिडॉरचा एक भाग आहे, जो नवी मुंबई ट्रान्स हार्बर लाईन आणि मेन लाईन दरम्यान जोडण्यासाठी ऐरोली आणि कळवा दरम्यान नियोजित करण्यात आला आहे. तर ठाणे-वाशी लाईन ओलांडून ठाणे बेलापूर रोड ज्या पॉईंटला लागून आहे त्या ट्रान्सहार्बर लाईनसह दिघे स्टेशन, ठाणे आणि ऐरोली स्थानकांदरम्यान नियोजित केले गेले आहे.