मुंबई: पॉर्नोग्राफी प्रकरणात अडकलेल्या राज कुंद्राला सोमवारी जामीन मिळाला. पोलिसांनी आरोप केला आहे की, तपासात राज कुंद्राकडून 119 पॉर्न व्हिडिओ सापडले होते, जे तो 9 कोटी रुपयांना विकण्याचा विचार करत होता. बॉलिवूड अभिनेत्री शिल्पा शेट्टीचे पती राज कुंद्रा यांना अश्लील चित्रपट बनवण्यासाठी आणि प्रसारित केल्याबद्दल सोमवार, 20 सप्टेंबर रोजी जामीन मिळाला. राज कुंद्रा गेल्या 2 महिन्यांपासून तुरुंगात होता. न्यायालयाने राज कुंद्राला 50,000 रुपयांच्या वैयक्तिक जातमुचलक्यावर जामीन मंजूर केला आहे. राज नुकताच तुरुंगातून बाहेर आला असला तरी मुंबई पोलिसांची गुन्हे शाखा अजूनही राज कुंद्रावर गंभीर आरोप करत आहे. गुन्हे शाखेने सांगितले की, पोर्नोग्राफी प्रकरणाच्या तपासादरम्यान व्यापारी राज कुंद्राच्या मोबाईल, लॅपटॉप आणि हार्ड डिस्कमधून एकूण 119 अश्लील व्हिडिओ सापडले. राज कुंद्रा हे सर्व व्हिडिओ एकूण 9 कोटी रुपयांना विकण्याचा विचार करत होते, असा पोलिसांचा दावा आहे. फेब्रुवारी महिन्यात काही मॉडेल्सनी जबरदस्तीने पॉर्न फिल्म बनवल्याबद्दल पोलिसांकडे तक्रार केल्यावर हे प्रकरण सुरू झाले. यानंतर पोलिसांनी अभिनेत्री गेहाना वसिष्ठसह काही आरोपींना अटक केली. या प्रकरणाचा तपास पुढे जात असताना राज कुंद्राचा सहभाग समोर आला. यानंतर, गुन्हे शाखेने 19 जुलै रोजी राज कुंद्राला अटक केली. राज कुंद्रा हा अश्लील चित्रपट बनवणाऱ्या रॅकेटचा किंगपिन असल्याचा पोलिसांचा दावा आहे. याबाबत नवभारत टाइम्सने वृत्त दिले आहे.