Home क्राइम पोलिसाला धक्काबुक्की…!

पोलिसाला धक्काबुक्की…!

383
0

मराठवाडा साथी न्यूज

पुणे :एरंडवणे चौकीत पोलिस कर्मचाऱ्याला शिवीगाळ करून धक्काबुक्की केल्याप्रकरणी एकाला अटक करण्यात आली. राहुल भरम (रा. केळेवाडी, पौड रस्ता, कोथरूड) असे अटक करण्यात आलेल्याचे नाव आहे. याबाबत पोलिस कर्मचारी कौस्तुभ निढाळकर यांनी कोथरूड पोलिस ठाण्यात तक्रार दिली आहे.
पोलिसांनी दिलेल्या माहितीनुसार, भरम आणि राहुल वाघ यांचा केळेवाडी परिसरात वाद झाला होता. वादाची तक्रार देण्यासाठी दोघे जण दोन दिवसांपूर्वी रात्री एरंडवणे पोलिस चौकीत आले होते. दोघांमधील वाद मिटवताना निढाळकर यांनी भरमला बाजूला थांबण्यास सांगितले. त्यानंतर भरमने वाद घालण्यास सुरुवात केली. ‘पहिली माझी तक्रार घ्या,’ असे सांगून, त्याने निढाळकर यांना शिवीगाळ करून धक्काबुक्की केली; तसेच ‘मी गुंठा मंत्री आहे, तुमची नोकरी घालवीन. मी यापूर्वी तीन ते चार पोलिसांना मारहाण केली,’ असा दमही दिला. सरकारी कामात अडथळा आणल्याप्रकरणी भरमविरोधा गुन्हा दाखल करण्यात आला असून, त्याला अटक केली आहे. या प्रकरणी पोलिस उपनिरीक्षक वाय. बी. पडवळे अधिक तपास करीत आहेत.

LEAVE A REPLY

Please enter your comment!
Please enter your name here