मराठवाडा साथी न्यूज
औरंगाबाद: घरी कोणी नसल्याची संधी साधत सुनेवर अत्याचाराचा प्रयत्न करणाऱ्या ४८ वर्षांच्या नराधम सासऱ्याला जिन्सी पोलिसांनी रविवारी (१७ जानेवारी) रात्री अटक केली. विशेष म्हणजे आरोपीने सुनेला,’तुझ्या बॉयफ्रेंडसोबतचे फोटो इंटरनेटवर व्हायरल करून तुझ्या कुटुंबाची बदनामी करेन,’ अशी धमकी देऊन तिच्याशी अश्‍लिल चाळे केल्याचे फिर्यादीत म्हटले आहे.या प्रकरणात २० वर्षांच्या सुनेने फिर्याद दिली. दोन फेब्रुवारी २०२० रोजी पीडितेचा विवाह आरोपीच्या मुलाशी सोबत झाले. पीडितेच्या पतीचे चहा पावडर विक्रीचे दुकान आहे. जून २०२०मध्ये दुपारी पीडितेचा पती कामाला आणि सासू बाहेर गेली होती. त्यावेळी आरोपी आणि पीडिता घरात होते. आरोपीने संधी साधत पीडितेवर अत्याचाराचा प्रयत्न केला. पीडितेने विरोध केला असता आरोपीने तिला,’तुझ्या पहिल्या बॉयफ्रेंडसोबतचे फोटो इंटरनेटवर व्हायरल करेल; तसेच तुझ्या नातेवाइकाचे लग्‍न देखील होऊ देणार नाही. तुझ्या घरच्यांची देखील बदनामी करेन,’ अशी धमकी दिली. त्यानंतर आरोपीने ऑगस्टमध्ये पुन्हा सुनेशी अश्‍लिल चाळे केले. २० डिसेंबर २०२० रोजी पीडिता बाळंतपणासाठी माहेरी आली. तेव्हा तिने घडलेली घटना आई-वडिलांना सांगितली.या प्रकरणात जिन्सी पोलिस ठाण्यात गुन्हा दाखल करण्यात आला. पोलिसांनी तपास करून आरोपी सासऱ्याला अटक केली. आज न्यायालयात हजर केले असता प्रथम वर्ग न्यायदंडाधीकारी एच. एस. पुराडउपाध्ये यांनी आरोपीची रवानगी न्यायालयीन कोठडीत करण्याचे आदेश दिले.