रोज केवळ 30 मिनिटे टेनिस खेळा व फिट राहा

आजच्या युगात, वजन नियंत्रित करणे बहुतेक लोकांसाठी कठीण काम झाले आहे. जास्त वजन किंवा लठ्ठपणाच्या समस्येने मोठ्या संख्येने लोक त्रस्त आहेत.कोरोना महामारीच्या काळात लोक त्यांच्या आरोग्याबाबत जागरूक झाले आहेत आणि ते फिट राहण्यासाठी नवनवीन मार्ग वापरत आहेत. वजन कमी करणे हा देखील आजकाल नवीन ट्रेंड बनला आहे.वजन कमी करण्यासाठी बरेच लोक जिममध्ये जातात आणि खूप घाम गाळतात. काही लोक आहारतज्ज्ञांकडून टिप्स घेऊन आहारावर नियंत्रण ठेवतात. दररोज काही मिनिटे टेनिस खेळल्याने वजन कमी होते, असे जर तुम्हाला सांगण्यात आले,हे ऐकून तुम्हाला धक्का बसला असेल पण हे खरे आहे. .हेल्थलाइनच्या रिपोर्टनुसार, टेनिस खेळणे हा हाय इंटेन्सिटी कार्डिओ वर्कआउट मानला जातो. काही मिनिटे टेनिस खेळल्याने हृदय गती वाढते आणि मोठ्या प्रमाणात कॅलरी बर्न होतात. साधारणपणे, हृदय व रक्तवाहिन्यासंबंधी व्यायाम कमी, मध्यम आणि उच्च तीव्रतेचे असतात. सुमारे 30 मिनिटे टेनिस खेळल्याने 220 ते 295 कॅलरीज बर्न होतात.जर तुम्ही यापेक्षा जास्त वेळ खेळलात तर त्याचे प्रमाण 400 पर्यंत असू शकते. जेव्हा तुमच्या कॅलरी जलद बर्न होतात, तेव्हा चरबी देखील वेगाने कमी होते. एक टेनिस सामना सुमारे 3 तासांचा असतो, ज्यामध्ये खेळाडू 660 ते 1320 कॅलरीज बर्न करतात. दररोज 60 ते 90 मिनिटे टेनिस खेळणे उत्तम फिटनेससाठी फायदेशीर मानले जाते.टेनिस खेळल्याने केवळ वजन कमी होण्यास मदत होत नाही तर इतरही अनेक आरोग्यदायी फायदे आहेत. टेनिस खेळल्याने स्नायूंची ताकद, संतुलन आणि समन्वय सुधारतो. हृदयासाठी खूप फायदेशीर आहे. टेनिस खेळताना तुम्ही लोकांशी संवाद साधता आणि तुमच्या सामाजिक जीवनात अनेक सकारात्मक बदल घडतात.विशेष म्हणजे कोणत्याही वयोगटातील लोक टेनिस खेळू शकतात. ज्यांना हृदयविकार किंवा इतर गंभीर आजार आहेत त्यांनी टेनिस खेळण्यापूर्वी डॉक्टरांचा सल्ला घ्यावा. हृदयाच्या रुग्णांसाठी, हृदयरोग तज्ञांच्या सल्ल्याशिवाय टेनिस खेळू नये.