नवी दिल्ली : तंत्रज्ञान क्षेत्रातील बलाढ्य कंपनी Apple ने चीनला मोठा डच्चू दिला आहे मीडिया रिपोर्टनुसार, Apple कंपनी आता आयफोन, आयपॅड, मॅक आणि इतर वस्तूंचे चीनमधील उत्पादन केंद्र इतर ठिकीणी हलवणार आहे. Apple कंपनी आता लवकरच आपल्या पहिल्या 5G स्मार्टफोन आणि आयफोन 12 (iPhone 12) सीरीजच्या उत्पादनाला भारतात सुरू करणार आहे. Apple कंपनीच्या आयपॅडचं उत्पादन व्हिएतनाममध्ये होणार आहे. या वर्षाच्या मध्यापर्यंत हे उत्पादन सुरू होणार आहे. Apple कंपनी पहिल्यांदाच चीनबाहेर एवढ्या मोठ्या संख्येनं उत्पादन तयार करणार आहे.
Apple कंपनी भारतातही आयफोनचं उत्पादन वाढवण्याच्या तयारीत आहे. सूत्रांनी दिलेल्या माहितीनुसार, आयफोन12 च्या सीरीजचं उत्पादन याच तिमाहीत सुरू केलं जाणार आहे. अॅपल कंपनीचे फोन तयार करण्याचं सर्वात मोठं दुसऱ्या क्रमांकाचं उत्पादन केंद्र भारत आहे.Apple कंपनीचे स्मार्ट स्पीकर्स, इयरफोन आणि संगणक या वस्तूंच उत्पादन वाढवण्यावरही कंपनी भर देत आहे. Apple कंपनीच्या उत्पादन केंद्रात फेरबदल करणं हा कंपनीच्या रणनीतीचा हा एक भाग आहे. 2021 मध्ये या क्षेत्रात तेजी येईल, हे यामागचं गणित आहे.