कोरोना महामारीमुळे कोणत्याही प्रकारच्या मिरवणूक आणि रॅली इत्यादींना प्रशासनाने बंदी घातली आहे. प्रत्यक्षदर्शींच्या म्हणण्यानुसार, काही तरुण मोहरमचा घोडा काढण्याची मागणी करत होते.
उज्जैन : मध्य प्रदेशातील उज्जैनमध्ये देशविरोधी घोषणाबाजी केल्याचे प्रकरण समोर आले आहे. असा आरोप आहे की खारा कुआन भागात मोहरमच्या एक दिवस आधी ताजिया दौऱ्यादरम्यान जमावाने ‘पाकिस्तान जिंदाबाद’च्या घोषणा दिल्या. या प्रकरणी पोलिसांनी चार जणांना अटक केली आहे, तर 10 जणांची ओळख पटली आहे. त्यांच्यावर देशद्रोहाचा गुन्हा दाखल करण्यात आला आहे. कोरोना महामारीमुळे कोणत्याही प्रकारच्या मिरवणूक आणि रॅली इत्यादींना प्रशासनाने बंदी घातली आहे. प्रत्यक्षदर्शींच्या म्हणण्यानुसार, काही तरुण मोहरमचा घोडा काढण्याची मागणी करत होते. प्रशासनाने परवानगी न दिल्याने तेथे पाकिस्तान झिंदाबादच्या घोषणा देण्यात आल्या. त्याचवेळी माहिती मिळाल्यानंतर पोलीस घटनास्थळी पोहोचले आणि तिथून सर्वांना पांगवले. परिसरातील व्हिडीओ रेकॉर्डिंग आणि सीसीटीव्ही फुटेजच्या आधारे पोलिसांनी 10 जणांची ओळख पटवली असून त्यांच्यावर देशद्रोहाचा गुन्हा दाखल करण्यात आला आहे. (Declaration of Pakistan Zindabad on the day of Moharram in ujain)
एसपी सत्येंद्र कुमार शुक्ला यांच्या मते, 4 लोकांना अटक करण्यात आली आहे. तपास सुरू आहे, इतरांनाही लवकरच अटक केली जाईल. असे त्यांनी सांगितले की, तरुणांकडून तालिबानशी संबंधित घोषणा दिल्या जात नाहीत. तर मुख्यमंत्री शिवराज सिंह चौहान म्हणाले की, आम्ही या घटनेसंदर्भात कडक कारवाई केली आहे. आरोपींना अटक करण्यात आली आहे.