मराठवाडा साथी न्यूज
पुणे : पुण्यामधील पर्वती टेकडीवर तरुणीला भेटण्यासाठी बोलवून तरुणाने तिच्यावर बलात्कार केल्याची घटना घडली. घटनेनंतरही आरोपीकडून तरुणीला त्रास दिला जात असल्याने तिने पोलिसांकडे धाव घेऊन तक्रार दिली. या प्रकरणी दत्तवाडी पोलिसांनी गुन्हा दाखल करून,आरोपीला अटक केली आहे.योगेश मोहन मंद्रे(वय २२, रा. निखील पार्क, माणिकबाग)असे अटक केलेल्या तरुणाचे नाव आहे. या प्रकरणी २२ वर्षीय तरुणीने तक्रार दिली. २४ नोव्हेंबर रोजी रात्री दहाच्या सुमारास पर्वती टेकडीच्या जंगलात ही घटना घडली.
पोलिसांनी दिलेल्या माहितीनुसार,तक्ररादार तरुणी मॉलमध्ये, तर आरोपी हा एका कंपनीत काम करतो.मॉल आणि कंपनी शेजारी असल्यामुळे त्यांची ओळख झाली होती. त्यातून त्यांची मैत्री झाली. आरोपीने रात्री तरुणीला पर्वती टेकडीवर भेटण्यासाठी बोलविले होते. त्यानुसार तरुणी त्याला भेटण्यासाठी गेली. त्यानंतर आरोपीने तिला पर्वती टेकडीच्या जंगलात नेऊन तिच्यावर अत्याचार करत होता.
या घटनेनंतर तरुणी घरी गेली होती. त्यानंतरदेखील आरोपी तिला सतत त्रास देत असल्यामुळे तिने पोलिसांकडे जाऊन तक्रार दिली. या प्रकरणी दत्तवाडी पोलिसांनी आरोपीला अटक केले आहे पुढील तपास पुणे पोलीस करत आहे
