नागपूर : न्यू भगतनगरमधील रजत कॉलनी येथील चंद्रशेखर भगवान वाघुळकर (वय ४६) यांच्याकडे घरफोडी करून चोरट्यांनी रोख रकमेसह दोन लाखांचा ऐवज लंपास केला. ही घटना सोमवारी सकाळी उघडकीस आली. ८ जानेवारीला चंद्रशेखर हे कुटुंबासह पुतणीच्या लग्नाला गेले. संधी साधून चोरट्याचे दरवाजाचे कुलूप तोडले. आलमारीतील ८० हजारांची रोख व दागिने चोरी केले. सोमवारी चंद्रशेखर परतले असता ही घटना समोर आली. कळमना पोलिसांनी घरफोडीचा गुन्हा दाखल करून चोरट्यांचा शोध सुरू केला.
