Home औरंगाबाद औरंगाबाद विमान वेळापत्रक….

औरंगाबाद विमान वेळापत्रक….

67
0


मराठवाडा साथी न्यूज
औरंगाबाद : औरंगाबादहून मुंबईसाठी सुरू असलेल्या इंडिगोच्या विमानाच्या वेळापत्रकात ८ जानेवारीपासून बदल करण्यात येणार आहे. हे विमान आता दुपारऐवजी सकाळच्या सत्रात मुंबईकडे झेपवणार आहे. वेळेत बदल झाल्याने औरंगाबाद ते मुंबई प्रवास करणाऱ्यांची सोय होणार आहे.इंडिगोने काही दिवसांपूर्वीच प्रवाशांची मागणी विचारात घेऊन मुंबईसाठी रोज विमानसेवा सुरू करण्याचा निर्णय घेतला आहे. सध्या ही विमानसेवा आठवड्यातून तीन दिवस आहे, मात्र येत्या जानेवारीपासून हे विमान दररोज उड्डाण घेणार आहे. मुंबईसाठी शहरातून रोज ‘एअर कनेक्टिव्हिटी’ उपलब्ध राहणार आहे.


मुंबईहून औरंगाबाद येते आणि दुपारी १२ वाजून दहा मिनिटांनी मुंबईकडे रवाना होते. मुंबईत हे विमान दुपारी एक वाजता पोचते. येत्या आठ जानेवारी पासून औरंगाबादहून मुंबईसाठी सकाळचे विमान सुरू करण्यात येणार आहे. हे विमाम सकाळी दहा वाजून २० मिनिटांनी मुंबईकडे रवाना होणार आहे. ते मुंबईत सकाळी ११ वाजून २० मिनिटांनी पोचेल. ही हवाई वाहतूक सेवा औरंगाबादकरांसह मुंबईहून येणाऱ्या प्रवाशांसाठीही उपयुक्त ठरणार आहे. मुंबईहून हे विमान सकाळी आठ वाजून ५० मिनिटांनी औरंगाबादकडे निघेल आणि सकाळी नऊ वाजून ५० मिनिटांनी औरंगाबादला पोचणार आहे. मुंबईहून सकाळीच औरंगाबादला येणारे विमान पर्यटकांसाठी उपयुक्त आहे. त्याचबरोबर मुंबईला जाणारे उद्योजक, अधिकारी यांच्यासाठी सकाळची विमानसेवा लाभदायक ठरणार आहे.

LEAVE A REPLY

Please enter your comment!
Please enter your name here